Sigurimet e automjetit
Pse është i rëndësishëm Sigurimi i Automjetit?
Sigurimi i automjetit përbën një element thelbësor të mbrojtjes financiare dhe ligjore për pronarin dhe drejtuesin e mjetit. Ai synon të mbulojë pasojat financiare që mund të lindin si rezultat i aksidenteve rrugore, dëmeve materiale, përgjegjësive ndaj palëve të treta, si edhe ngjarjeve të tjera të paparashikuara gjatë qarkullimit.
Përmes mbulimeve të detyrueshme ligjore dhe opsioneve vullnetare shtesë, sigurimi i automjetit ofron siguri, qetësi dhe mbrojtje të plotë për mjetin dhe përdoruesit e tij, duke garantuar mbështetje si brenda territorit të vendit, ashtu edhe jashtë tij.
Kontaktoni me ne
Na kontaktoni për të folur me një ekspert të fushës së riskut, për të mësuar më shumë rreth një zgjidhjeje specifike ose për të paraqitur një kërkesë për ofertë.
Produktet
MTPL – Sigurimi i Detyrueshëm i Makinës
Sigurimi MTPL është një policë e detyrueshme ligjore për të gjithë automjetet me targa shqiptare që qarkullojnë brenda territorit të Republikës së Shqipërisë. Ky sigurim garanton mbulimin e shpenzimeve që lindin si pasojë e dëmeve materiale, shëndetësore dhe pasurore të shkaktuara palëve të treta gjatë qarkullimit të mjetit motorik të siguruar.
Kasko
Sigurimi KASKO ofron mbrojtje të plotë për mjetin motorik, duke mbuluar dëmet që mund t’i shkaktohen atij, pavarësisht nga shkaktari i dëmit, sipas rreziqeve të zgjedhura nga klienti. Ky sigurim synon të minimizojë pasojat financiare nga ngjarje të paparashikuara dhe të garantojë siguri maksimale për pronarin e mjetit.
Sigurimi nga Aksidentet
Sigurimi nga Aksidentet ofron mbrojtje financiare në rast pasojash të shkaktuara nga aksidente të papritura, duke garantuar siguri për ju dhe familjen tuaj në situata të vështira.
Sigurimi Kufitar
Sigurimi Kufitar është sigurimi i detyrueshëm me ligj për përgjegjësinë civile ndaj palëve të treta për mjetet motorike me targa të huaja që hyjnë dhe qëndrojnë në territorin e Republikës së Shqipërisë. Ky sigurim mbulon përgjegjësinë për dëmet trupore dhe materiale të shkaktuara palëve të treta gjatë qarkullimit të mjetit motorik.
Sigurimi Karton Jeshil
Sigurimi i Detyrueshëm i Automjetit Karton Jeshil është një policë sigurimi e detyrueshme për automjetet me targa shqiptare, e cila u mundëson qarkullimin e ligjshëm jashtë territorit të Republikës së Shqipërisë. Ky sigurim mbulon përgjegjësinë civile ndaj palëve të treta për dëmet trupore dhe materiale të shkaktuara gjatë përdorimit të mjetit motorik në vendet e përfshira në sistemin ndërkombëtar të Kartonit Jeshil.
AutoSOS – Asistencë Rrugore 24/7
AutoSOS është shërbimi i asistencës rrugore 24 orë, i ofruar nga SIGAL për herë të parë në Shqipëri, si dhe në vendet e Europës. Ky shërbim garanton ndihmë të menjëhershme në rast defekti, aksidenti apo situatash të paparashikuara gjatë qarkullimit, duke ofruar siguri dhe mbështetje profesionale në çdo moment dhe kudo që ndodheni.